To read the announcement in English, click here 
ANNOUNCEMENT_ENG
ՀԱՅՏԵՐԻ ՆԵՐԿԱՅԱՑՄԱՆ ՀՐԱՎԵՐ
ԽԱՂՈՂԻ ԱՅԳԻՆԵՐՈՒՄ ՑՐՏԱՀԱՐՈՒԹՅՈՒՆԻՑ ՊԱՇՏՊԱՆՈՒԹՅԱՆ ՀԱՄԱԿԱՐԳԵՐԻ ՑՈՒՑԱԴՐՈՒՄ
Նախագծի անվանումը՝ Ցրտահարությունից պաշտպանության համակարգի ցուցադրում խաղողի այգիներում
«Արևելյան գործընկերության երկրներում «Կանաչ գործարքի» պատրաստվածության խթանում» (PROGRESS) ծրագիրն իրականացվում է Գերմանիայի կառավարության Կլիմայի միջազգային նախաձեռնության (IKI) անունից, որը գործում է ԳԴՀ շրջակա միջավայրի, կլիմայական գործողությունների, բնության պահպանության և միջուկային անվտանգության նախարարության (BMUKN) ներքո: Ծրագիրը նաև ԳԴՀ արտաքին գործերի նախարարության (AA) պատասխանատվությունն է:
PROGRESS ծրագիրն իրականացվում է Գերմանական միջազգային համագործակցության ընկերության (GIZ)-ի կողմից՝ որպես առաջատար իրականացնող կազմակերպություն, համագործակցելով Տնտեսական համագործակցության և զարգացման կազմակերպության (ՏՀԶԿ/OECD), Կովկասի տարածաշրջանային բնապահպանական կենտրոնի (REC Caucasus), Մոլդովայի Եվրոպական բիզնես ասոցիացիայի (EBA) և Ուկրաինայի Գիտությունների ազգային ակադեմիայի տնտեսագիտության և կանխատեսումների ինստիտուտի (IEF) հետ:
PROGRESS ծրագրի աջակցությամբ «Ագրոբիզնեսի հետազոտությունների և կրթության միջազգային կենտրոն» (ICARE) հիմնադրամի կողմից իրականացվող «Կլիմայախելամիտ գործելակերպերի ցուցադրում Հայաստանի այգեգործության ոլորտում» նախագիծը աջակցում է Հայաստանում ցուցադրական նախագծերի իրականացմանը՝ ուղղված մրգերի և հատապտուղների արժեշղթաներում կայուն և կլիմակայուն լուծումների խթանմանը։
Նպատակ
Սույն հրավերի նպատակն է բացահայտել և աջակցել այն խաղողի այգիներին, որոնք պատրաստ են ընդունել ցուցադրական փորձնական ծրագրեր, փորձարկել ցրտահարությունից պաշտպանության համակարգերը և մասնակցել տվյալների հավաքագրմանը և գիտելիքների փոխանակմանը։
Աջակցության շրջանակը
Ընտրված շահառուն կստանա՝
- Ցրտահարությունից պաշտպանության համակարգ՝ մինչև 2000 գծամետր երկարությամբ։
Համապատասխանության չափանիշներ
Դիմորդները պետք է բավարարեն հետևյալ պահանջներին՝
Գտնվելու վայր
- Խաղողի այգին պետք է գտնվի Արարատի կամ Արմավիրի խաղողագործական շրջաններում
- Այգին պետք է գտնվի այնպիսի տարածքում, որտեղ պարբերաբար առկա է գարնանային ցրտահարության ռիսկ
Այգու բնութագիր
- Կիրառվում են կառուցվախքային էտման համակարգեր (օր.՝ Կորդոն /Cordon/, Գյույո /Guyot/)
- Այգու շարքերի կառուցվածքը հարմար է համակարգի տեղադրման համար
- Ներգրավված է ագրոտուրիզմում (օր.՝ գինու տուրիզմ, այգու այցելություններ, համտեսներ և այլն)
Տեխնիկական պահանջներ
- Եռաֆազ հոսանք (400Վ)
- Կայուն ինտերնետ կապ
Հանձնառություն
Դիմորդները պետք է պատրաստ լինեն՝
- Տրամադրել այգու առանձին հատվածներ համեմատության համար՝ համակարգով և առանց համակարգի
- Կատարել տվյալների հավաքագրում և վերլուծություն
Դիմորդի բնութագիր
Նախապատվություն կտրվի այն դիմորդներին, որոնք ունեն՝
- Գյուղատնտեսական/խաղողագործական կրթություն, գիտելիքներ կամ փորձ
- Խաղողի այգու կառավարման փորձ
- Համակարգը շահագործելու և սպասարկելու կարողություն
- Տվյալներ հավաքագրելու, վերլուծելու և հաշվետվություններ ներկայացնելու կարողություն
Ընտրված շահառուի պարտականությունները
Ընտրված շահառուն պարտավոր է՝
- Համագործակցել տեխնիկական մասնագետների հետ համակարգի տեղադրման և շահագործման ընթացքում
- Ապահովել համակարգի պատշաճ օգտագործումը և հիմնական սպասարկումը
- Մասնակցել տվյալների հավաքագրմանը (օր.՝ ջերմաստիճան, ցրտահարության վնասներ, բերքատվության համեմատություն)
- Ապահովել մուտք մոնիթորինգի և դաշտային այցերի համար
- Կազմակերպել ցուցադրական միջոցառումներ, ներառյալ՝
- առնվազն 4 բաց դռների օր՝ ներգրավելով առնվազն 50 մասնակից (ֆերմերներ, մասնագետներ և ագրոբիզնեսի ներկայացուցիչներ), որոնցից առնվազն 20-ը՝ կանայք
- դաշտային ցուցադրություններ
Ակնկալվող արդյունքները
- Համակարգի արդյունավետության ցուցադրում Հայաստանի պայմաններում
- Համեմատական տվյալների ստացում՝ պաշտպանված և չպաշտպանված այգու հատվածների միջև
- Կլիմայակայուն տեխնոլոգիաների վերաբերյալ իրազեկվածության և կիրառման մակարդակի բարձրացում
Ընտրության չափանիշներ
Դիմումները կգնահատվեն հետևյալ չափանիշներով՝
- Տարածքի համապատասխանություն (գտնվելու վայր, ցրտահարության ռիսկ, ենթակառուցվածք)
- Տեխնիկական պատրաստվածություն (էլեկտրականություն, այգու կառուցվածք, ինտերնետ կապ)
- Գործառնական կարողություն և հանձնառություն մասնակցելու փորձարկմանը և տվյալների հավաքագրմանը
- Դիմորդի փորձառություն և գիտելիքներ
- Ցուցադրական և ընդլայնման ներուժ։
Ցուցադրվող տեխնոլոգիա (Frolight համակարգ – ցուցադրական տեխնոլոգիա)
Ցուցադրությունը նախատեսվում է իրականացնել Frolight ցրտահարությունից պաշտպանության համակարգի կամ նմանատիպ ինֆրակարմիր տեխնոլոգիայի տեղադրմամբ, որը նախատեսված է խաղողի վազերը գարնանային ցրտահարությունից պաշտպանելու համար։
Համակարգը գործում է ճառագայթային ջերմությունն ուղղակիորեն փոխանցելով բույսերին, ապահովելով՝
- Միատեսակ պաշտպանություն ամբողջ այգում
- Ավելի քիչ կախվածություն եղանակային պայմաններից
- Ավտոմատացված աշխատանք և հեռավար մոնիթորինգ
- Շրջակա միջավայրի վրա ցածր ազդեցություն և էներգիայի արդյունավետ օգտագործում
Համակարգը, որպես կանոն, պահանջում է՝
- Ինֆրակարմիր խողովակների տեղադրում այգու շարքերի երկայնքով
- Եռաֆազ հոսանքի առկայություն
- Կառավարման միավորի և մոնիթորինգ հարթակի ինտեգրում
Լրացուցիչ տեղեկատվության համար անցեք հետևյալ հղումով՝
https://docs.google.com/document/d/1BeUMBrV7OmVk2EFiwS3ar2G4aEetSHOW/edit?usp=drive_link&ouid=103419329073131321256&rtpof=true&sd=true
Նախագծի տևողությունը և ֆինանսավորումը
Նախագիծը պետք է իրականացվի առավելագույնը 18 ամիսների ընթացքում՝ ավարտվելով ոչ ուշ, քան 2027 թվականի նոյեմբեր ամիսը։
Դիմորդներից համաֆինանսավորում չի պահանջվում։
Սակայն դիմորդները պետք է իրենց միջոցներով ապահովեն համակարգի տեղադրման և շահագործման համար անհրաժեշտ ենթակառուցվածքների առկայությունը կամ ստեղծումը (օրինակ՝ եռաֆազ հոսանք, ինտերնետ կապ, տարածքի պատրաստվածություն)։
Դիմորդները կարող են նշել՝ արդյոք ցանկանում են իրենց միջոցներով ընդլայնել համակարգի ծածկման տարածքը (ըստ ցանկության)։
Գնահատում և ընտրության չափանիշներ
Նախագծերը կգնահատվեն հետևյալ կշռված չափանիշներով․
| # | Չափանիշներ | Գնահատման նկարագրություն | Գնահատման միջակայք | Կշիռ (%) | |
| 1 | Տարածքի համապատասխանություն և ցրտահարության ռիսկ | Գնահատել այգու ընդհանուր վիճակը։ Գնահատել՝ արդյոք այգին գտնվում է համապատասխան մարզում և այնպիսի տարածքում, որտեղ պարբերաբար առկա է գարնանային ցրտահարության ռիսկ և արդյոք այն հարմար է ցուցադրության համար | 1–10 (1՝ ցածր համապատասխանություն, 10՝ բարձր համապատասխանություն) | 25% | |
| 2 | Տեխնիկական պատրաստվածություն և ենթակառուցվածք | Գնահատել անհրաժեշտ ենթակառուցվածքների առկայությունը (օր.՝ եռաֆազ հոսանք, այգու համապատասխան կառուցվածք, էտման համակարգ) և տեղադրման պատրաստվածությունը | 1–10 (1՝ ցածր պատրաստվածություն, 10՝ բարձր պատրաստվածություն) | 25% | |
| 3 | Գործառնական կարողություն և հանձնառություն | Գնահատել դիմորդի կարողությունն ու պատրաստակամությունը՝ ապահովելու համակարգի շահագործումն ու սպասարկումը, ինչպես նաև ակտիվորեն մասնակցելու փորձարկմանը, տվյալների հավաքագրմանը և ծրագրի շրջանակում նախատեսված գործողություններին։ | 1–10 (1՝ ցածր, 10՝ բարձր) | 20% | |
| 4 | Ցուցադրական և գիտելիքների փոխանակման ներուժ | Գնահատել դիմորդի կարողությունն ու պատրաստակամությունը՝ կազմակերպելու բաց դռների օրեր և կիսվելու արդյունքներով այլ ֆերմերների և շահակիցների հետ։ | 1–10 (1՝ ցածր կարողություն, 10՝ բարձր կարողություն) | 15% | |
| 5 | Դիմորդի փորձառություն և գիտելիքներ | Գնահատել դիմորդի գյուղատնտեսական/խաղողագործական փորձառությունը և այգու կառավարման փորձը | 1–10 (1՝ ցածր փորձառություն, 10՝ բարձր փորձառություն) | 15% |
Նախագիծը կարող է ֆինանսավորվել միայն նախնական ընտրված դիմորդների «Շրջակա միջավայրի և կլիմայի գնահատում» իրականացնելուց հետո՝ համաձայն PROGRESS ծրագրի մեթոդաբանության։
Հայտադիմումի փաթեթ(ՀՂՈՒՄ)
Հայտատուները պետք է ներկայացնեն հետևյալ փաստաթղթերը․
- Հայտադիմում (Հավելված 1)
- Դիմորդի պետական գրանցման վկայական (եթե կիրառելի է)
- Խաղողի այգու կառավարման համար պատասխանատու անձի ինքնակենսագրությունը (CV) (ոչ պարտադիր)
- Այգու նկատմամբ սեփականության կամ իրավական օգտագործման իրավունքի և անհրաժեշտ ենթակառուցվածքների հասանելիության ապացույց (օր.՝ սեփականության վկայական, վարձակալության պայմանագիր, լուսանկարներ, եռաֆազ հոսանքի առկայության հաստատում և այլն)
Հայտադիմումի ներկայացման ձևը և վերջնաժամկետը
- Հայտերը պետք է ուղարկել հետևյալ էլ․ փոստի հասցեին՝ info@icare.am։
- Հայտերի ներկայացման վերջնաժամկետ՝ 08.06.2026 թ․, ժ. 18:00։
- Թղթային տարբերակով, թերի լրացված կամ վերջնաժամկետից հետո ստացված հայտերը չեն դիտարկվի։
Լրացուցիչ տեղեկությունների համար զանգահարել հետևյալ հեռախոսահամարով՝ +374 43 799 799: