Փետրվարի 23-24-ը Պռոշյան համայնքում գտնվող և ICARE-ին պատկանող ենթակառուցվածքում ԱԳՐԻ ՔԵՄՓ ծրագրով հիմնված ստեղծագործական արտադրամաս/հարթակ հանդիսացող ԱգրիՀԱԲ-ում անցկացվեց «Գյուղատնտեսության ոլորտում նորարարական լուծումների կիրառման խթանում» թեմայով 2-օրյա դասընթացը՝ ագրոձեռներեց և ֆերմեր կանանց համար։
Շուրջ 14 ներկայացուցիչ Արագածոտն մարզի Նոր Երզնկա և Լեռնարոտ գյուղերից, ինչպես նաև Աշտարակ քաղաքից մասնակցեց դասընթացին։
Մասնակիցների վկայությամբ, դասընթացն անցավ աշխույժ ու ակտիվ քննարկումներով՝ նորաստեղծ ԱգրիՀԱԲ-ի ջերմ ու տրամադրող մթնոլորտի ներքո։
ԱգրիՀԱԲ-ը կոչված է նպաստել Հայաստանում ուսանողների, երիտասարդ մասնագետների և ագրոձեռներեցների նորարարական ներուժի բացահայտմանը: Այն նաև ծառայում է որպես գործնական պարապմունքների և համապարփակ դասընթացների ուսումնական կենտրոն և արտադրամաս Հայաստանի այն երիտասարդների համար, ովքեր ցանկանում են սովորել և փորձարկել արդի գյուղատնտեսական տեխնոլոգիաները, ինչպես անև ստեղծել ու խթանել սիներգիկ կապեր՝ ագրոբիզնեսի, բարձր տեխնոլոգիաների, զբոսաշրջության, առողջապահության և այլ ոլորտների միջև:
ԱԳՐԻ ՔԵՄՓ ծրագիրն իրականացվում է ICARE-Armenia հիմնադրամի կողմից` ԱՄՆ ՄԶԳ ֆինանսավորմամբ