«Ագրոբիզնեսի հետազոտությունների և կրթության միջազգային կենտրոն» (ԱՀԿՄԿ) հիմնադրամը Ավստրիական զարգացման համագործակցության (ԱԶՀ) կողմից ֆինանսավորվող «Հայաստանում այգեպտղաբուծության ոլորտի զարգացման նախագծի» (ՖՐՈՒՏԵՆԻԱ-2) շրջանակում հայտարարում է պտղաբուծության ոլորտի փորձագետների ընտրության մրցույթ «Ինտենսիվ այգիների հիմնում և կառավարում» դասընթացը վարելու նպատակով։

Աշխատանքի նկարագրությունը

ՖՐՈՒՏԵՆԻԱ 2 նախագծի շրջանակում ընտրված փորձագետները վարելու են դասընթացներ հետևյալ մոդուլներով (փորձագետը կարող է ընտրել մեկ կամ ավելի մոդուլներ)․

• Ինտենսիվ այգու հիմնում, ոռոգման համակարգեր և պարարտացման տեխնոլոգիաներ – նվազագույնը 9 դաս երկուական ժամով, ներառյալ գործնական դասերը այգում։
• Ընկուզավոր պտղատեսակների այգիների հիմնում և կառավարում – նվազագույնը 5 դաս երկուական ժամով, ներառյալ գործնական դասերը այգում։
• Վնասատուների կառավարում – նվազագույնը 6 դաս երկուական ժամով, ներառյալ գործնական դասերը այգում։
• Հիվանդությունների կառավարում  – նվազագույնը 7 դաս երկուական ժամով, ներառյալ գործնական դասերը այգում։
• Հետբերքահավաքային պահպանման տեխնոլոգիաներ – նվազագույնը 3 դաս երկուական ժամով, ներառյալ գործնական դասերը։
• Ինտենսիվ այգու ֆինանսական պլանավորում և կառավարում – նվազագույնը 3 դաս երկուական ժամով։

Մոդուլների նկարագրությունը այստեղ։

Փորձագետների պարտականություններն են․

·       Մշակել և ներկայացնել դասընթացի մոդուլ(ներ)ի ծրագրերը,

·       Մշակել դասընթացի նյութերը PPT տարբերակով,

·       Մշակել դասընթացի նախնական  և հետդասընթացային գիտելիքի ստուգման հարցաշար,

·       Իրականացնել դասընթացները սահմանված գրաֆիկով,

·       Իրականացնել մասնակիցների հմտությունների նախնական և վերջնական ստուգում և գնահատում։

Ներկայացվող պահանջներ՝

• Մասնագետը պետք է ունենա առնվազն 3 տարվա գի­տամանկավարժական և գործնական աշխա­տանքի փորձ, ինչպես նաև վերջին 3 տարիների ընթացքում իրականացրած նույնատիպ աշխատանքի վերաբերյալ տեղեկատվություն,
• Տիրապետի համակարգչային հիմնական գործիքակազմին (Microsoft word, excel, PowerPoint և այլն),
• Անգլերենի իմացությունը ցանկալի է։

Մրցույթի մասնակիցները պետք է ներկայացնեն հետևյալ փաստաթղթերը՝

• Ինքնակենսագրական (CV),
• Ձեր մշակած ծրագրերը, եթե այդպիսիք կան,
• Դասընթացի ընդհանուր նկարագիր,
• Գնառաջարկ: Ներբեռնել այստեղ։

Մրցույթի հաղթողի ընտրության կարգը.

Հաղթողին որոշելու է մրցույթային հանձնաժողովը։ Հանձնաժողովն ուսումնասիրելու է դիմորդների աշխատանքային փորձի հիմնավորումները և գնառաջարկները և ընտրելու լավագույն պայմաններ ներկայացրած մասնակցին: Հանձնաժողովը կարող է լրացուցիչ տեղեկություններ կամ պարզաբանումներ պահանջել մրցույթի մասնակցից: Մասնակիցները կտեղեկացվեն արդյունքների մասին էլեկտրոնային փոստով։ Նախնական ընտրությունն անցած դիմորդները կհրավիրվեն հարցազրույցի։

Նմանատիպ վերապատրաստման ծրագրերում ունեցած փորձը կդիտվի որպես առավելություն։

Մրցույթի հայտերի ներկայացման կարգը և վերջնաժամկետը.

Հայտերն ուղարկել մինչև 2025թ. հունվարի 10-ը, ժամը 18:00՝ info@icare.am էլ. փոստի հասցեին՝ նշելով համապատասխան մոդուլ (ների) անվանումը կամ ներկայացնել թղթային տարբերակը ԱՀԿՄԿ գրասենյակ (ՀՀ,  Կոտայքի մարզ, համայնք Պռոշյան, 5-րդ փողոց, 12-րդ նրբանցք, թիվ 1 շենք):

Լրացուցիչ տեղեկություններ և պարզաբանումներ ստանալու համար կարող եք գրել 37491 901478 հեռախոսահամարի whatsapp-ին։