To read the announcement in English, click here 👉 ANNOUNCEMENT_ENG
Նախագծի անվանումը՝ Հավելյալ արժեքի ստեղծում մրգերի և հատապտուղների արժեշղթաների զարգացման համար
«Արևելյան գործընկերության երկրներում «Կանաչ գործարքի» պատրաստվածության խթանում» (PROGRESS) ծրագիրն իրականացվում է Գերմանիայի կառավարության Կլիմայի միջազգային նախաձեռնության (IKI) անունից, որը գործում է ԳԴՀ շրջակա միջավայրի, կլիմայական գործողությունների, բնության պահպանության և միջուկային անվտանգության նախարարության (BMUKN) ներքո: Ծրագիրը նաև ԳԴՀ արտաքին գործերի նախարարության (AA) պատասխանատվությունն է:
PROGRESS ծրագիրն իրականացվում է Գերմանական միջազգային համագործակցության ընկերության (GIZ)-ի կողմից՝ որպես առաջատար իրականացնող կազմակերպություն, համագործակցելով Տնտեսական համագործակցության և զարգացման կազմակերպության (ՏՀԶԿ/OECD), Կովկասի տարածաշրջանային բնապահպանական կենտրոնի (REC Caucasus), Մոլդովայի Եվրոպական բիզնես ասոցիացիայի (EBA) և Ուկրաինայի Գիտությունների ազգային ակադեմիայի տնտեսագիտության և կանխատեսումների ինստիտուտի (IEF) հետ:
PROGRESS ծրագրի աջակցությամբ «Ագրոբիզնեսի հետազոտությունների և կրթության միջազգային կենտրոն» (ICARE) հիմնադրամի կողմից իրականացվող «Կլիմայախելամիտ գործելակերպերի ցուցադրում Հայաստանի այգեգործության ոլորտում» նախագիծը աջակցում է Հայաստանում ցուցադրական նախագծերի իրականացմանը՝ ուղղված մրգերի, հատապտուղների և ընկուզեղենի արտադրության արժեշղթաներում կայուն, և կլիմայի տեսանկյունից դիմակայուն լուծումների խթանմանը:
Նպատակն ու ակնկալվող արդյունքները
Ցուցադրական նախագծերի առաջարկների մշակման և ներկայացման սույն հրավերի նպատակը գործնական, նորարարական և մասշտաբավորվող նախաձեռնությունների բացահայտումն ու աջակցությունն է, որոնք ներկայացնում են կայուն, շրջակա միջավայրի հանդեպ պատասխանատու, ռեսուրսարդյունավետ և կլիմակայուն լուծումներ՝ ուղղված մրգերի և հատապտուղների արժեշղթաների զարգացմանը։ Նախագծերը պետք է միտված լինեն ագրոբիզնեսների գործունեության արդյունավետության և մրցունակության բարձրացմանը՝ սարքավորումների, համակարգերի և մարկետինգային աջակցության գործիքների ներդրման ու կիրառման միջոցով՝ ուղղված հետբերքահավաքային տեխնոլոգիաների և ագրովերամշակման զարգացմանը, մթերման և պահպանման կենտրոնների հզորացմանը և շուկաների հասանելիության ընդլայնմանը։
Առաջարկվող նախագծերը պետք է նպատակ ունենան՝
- Ներդնել առաջադեմ մոտեցումներ և լուծումներ՝ հատապտուղների և այլ արագ փչացող մրգերի որակի և պահպանման ժամկետի բարելավման համար՝ գյուղատնտեսական արտադրության և սննդի կորուստների նվազեցման նպատակով։
- Աջակցել կենտրոնացված ենթակառուցվածքների ստեղծմանը կամ զարգացմանը, որոնք հնարավորություն կտան արդյունավետ կերպով իրականացնել մրգերի և հատապտուղների մթերում, տեսակավորում և պահեստավորում՝ խթանելով ռեսուրսարդյունավետ և կայուն գործելակերպերի կիրառումը։
- Ամրապնդել ոլորտի շահակիցների միջև կապերն ու համագործակցությունը, ներառյալ ագրոբիզնեսները, ներդրանքի մատակարարները և ֆերմերները։
Աջակցել մարկետինգային ռազմավարությունների իրականացմանը, որոնք կօգնեն ագրոբիզնեսներին մուտք գործել նոր շուկաներ և կամրապնդեն Հայաստանի մրցունակությունը ինչպես տեղական, այնպես էլ միջազգային շուկաներում։
Առաջարկը պետք է հստակ ներկայացնի, թե ինչպես է նախագիծը կապ ստեղծելու մրգերի և հատապտուղների արտադրողների (ֆերմերների), ագրոբիզնեսների և շուկայահանման հնարավորությունների միջև։
Բացի հավելյալ արժեք ստեղծող նախաձեռնություններից, ակնկալվում է, որ ցուցադրական նախագծերը կգործեն նաև որպես ուսուցման և փորձի փոխանակման հարթակներ մրգերի և հատապտուղների արտադրության, վերամշակման և հետբերքահավաքային գործընթացներում ներգրավված արտադրողների և ֆերմերների համար։ Ընտրված շահառուները պետք է՝
- Կիսվեն նախագծի իրականացման ընթացքում ձեռք բերված գիտելիքներով և փորձով այլ ագրոբիզնեսների և ֆերմերների հետ, այդ թվում՝ մշակելով և տարածելով տվյալ թեմայի վերաբերյալ համառոտ գործնական ուղեցույց։
- Կազմակերպեն ուսուցողական հանդիպումներ կամ այցեր՝ ներկայացնելով կիրառվող լուծումները և արդյունքները։
Ակնկալվող արդյունքներ
- Մրգերի և հատապտուղների արժեշղթաների զարգացման համար ռեսուրսարդյունավետ և կայուն, հավելյալ արժեք ստեղծող լուծումների ներդրում,
- Մրգի և հատապտղի հետբերքահավաքային մշակմամբ և վերամշակմամբ զբաղվող տեղական ագրոբիզնեսների կարողությունների ամրապնդում և զարգացում,
- Ցուցադրական և ուսուցողական հարթակների ձևավորում, որոնք ակտիվորեն կկիսվեն գիտելիքներով այլ շահագրգիռ կողմերի հետ (օր.՝ ընկերություններ, մասնագետներ, ֆերմերներ),
- Մրգեր և հատապտուղներ արտադրողների, վերամշակողների և ոլորտի մասնագետների իրազեկվածության բարձրացում և տեխնիկական կարողությունների զարգացում։
Համապատասխանության չափանիշներ
Իրավասու դիմորդներն են ՀՀ-ում գրանցված այն բիզնեսները, քաղաքացիական հասարակության կազմակերպությունները (ՔՀԿ), սոցիալական ձեռնարկությունները, գյուղատնտեսական կոոպերատիվները և կոնսորցիումները, որոնք զբաղվում են մրգերի ու հատապտուղների հետբերքահավաքային մշակման և վերամշակման հետ կապված գործունեությամբ։
Դիմորդները պետք է բավարարեն հետևյալ պահանջներին.
Առաջնահերթ ուղղություններ
Առաջարկները պետք է ուղղված լինեն մրգերի և հատապտուղների արժեշղթաների զարգացման հետևյալ առաջնահերթ ուղղություններից մեկին կամ մի քանիսին՝
- Հետբերքահավաքային մշակման և վերամշակման ենթակառուցվածքների բարելավում՝ արժեշղթայի զարգացման համար անհրաժեշտ ժամանակակից սարքավորումների և տեխնոլոգիաների ներդրման և ձեռքբերման միջոցով։
- Մթերման կենտրոնների կարողությունների հզորացում՝ մրգերի և հատապտուղների ավելի արդյունավետ մթերում, տեսակավորում և պահեստավորում ապահովելու նպատակով,
- Մարկետինգային աջակցություն և շուկայի զարգացմանն ուղղված գործողություններ՝ արտադրության ծավալների մեծացման և շուկաների հասանելիության ընդլայնման նպատակով։ Արտահանման ընդլայնումը կդիտվի որպես առավելություն։
Նախագծի տևողությունը և ֆինանսավորումը
Նախագիծը պետք է իրականացվի առավելագույնը 18 ամիսների ընթացքում՝ ավարտվելով ոչ ուշ, քան 2027 թվականի նոյեմբեր ամիսը։
Յուրաքանչյուր դիմորդ պարտավոր է ապահովել առնվազն 30% համաֆինանսավորման ներդրում (կանխիկ և/կամ ոչ դրամական ձևով)՝ որպես նախագծի ընդհանուր բյուջեի մաս։
Առաջարկվող ներդրումները և սարքավորումները պետք է հստակ կապված լինեն նախագծի նպատակների հետ և նպաստեն ֆերմերների, ագրոբիզնեսների և պտղի ու հատապտղի արժեշղթայի ընդհանուր զարգացմանը։ Դիմորդները պետք է ապահովեն, որ ձեռք բերված բոլոր սարքավորումները և ենթակառուցվածքները օգտագործվեն ցուցադրական և ուսուցողական նպատակներով։
Գնահատում և ընտրության չափանիշներ
Նախագծերը կգնահատվեն հետևյալ կշռված չափանիշներով․
| # | Չափանիշներ | Գնահատման նկարագրություն | Գնահատման միջակայք | Կշիռ (%) | |
| 1 | Հիմնական թեմային համապատասխանություն | Գնահատել նախագծի համապատասխանությունը հիմնական թեմատիկ ուղղությանը (օր.՝ մրգերի և հատապտուղների արժեքային շղթայի զարգացում, հետբերքահավաքային տեխնոլոգիաների բարելավում, հավաքագրման և պահեստավորման արդյունավետության բարձրացում, շուկայի հասանելիության ընդլայնում, կլիմայակայուն և ռեսուրսախնայող լուծումների ներդրում)։ | 1–10 (1՝ ցածր, 10՝ բարձր) | 12% | |
| 2 | Նորարարություն և ժամանակակից տեխնոլոգիաների կիրառում | Գնահատել առաջարկվող տեխնոլոգիաների նորարարականությունը։ | 1–10 (1՝ ցածր, 10՝ բարձր) | 4% | |
| 3 | Գիտելիքի փոխանակման և ցուցադրական ներուժ | Գնահատել դիմորդի կարողությունները գիտելիքի փոխանակման ու ցուցադրական միջոցառումների իրականացման հարցում | 1–10 (1՝ թույլ, 10՝ ուժեղ) | 8% | |
| 4 | Շահառուների ընդգրկում | Գնահատել, արդյոք ներկայացված տվյալներն իրատեսական են և ներառում են ուղղակի և անուղղակի շահառուների | 1–10 (1՝ ցածր, 10՝ բարձր) | 8% | |
| 5 | Կիրառելիության պոտենցիալը ՀՀ տարբեր մարզերում | Գնահատել նախագծի մասշտաբավորման կամ այլ մարզերում կիրառման հնարավորությունը | 1–10 (1՝ ցածր, 10՝ բարձր) | 12% | |
| 6 | Բարենպաստ միջավայր | Գնահատել, թե որքան արդյունավետ կերպով է միջավայրը (քաղաքականությունները, ենթակառուցվածքները, աջակից կառույցները, մատակարարման ուղիները և մարդկային ռեսուրսները) աջակցում նախագծին | 1–10 (1՝ թույլ, 10՝ ուժեղ) | 10% | |
| 7 | Շրջակա միջավայրի կայունություն և կլիմայի հարմարվողականություն | Գնահատել նախագծի ներուժը՝ շրջակա միջավայրի պահպանությանը և կլիմայի հարմարավողականությանը, շրջանաձև տնտեսությանը և ռեսուրսարդյունավետությանը նպաստելու տեսանկյունից | 1–10 (1՝ ցածր, 10՝ բարձր) | 12% | |
| 8 | Գենդերային ցուցանիշներ | Գնահատել, թե որքանով է նախագիծը խթանում կանանց ներառականությունը և հավասար հնարավորությունները։ | 1–10 (1՝ ցածր, 10՝ բարձր) | 4% | |
| 9 | Տնտեսական արդյունավետություն | Գնահատել ներկայացվող լուծման ֆինանսական արդյունավետությունը, ներառյալ ռեսուրսների օգտագործման արդյունավետությունը և ներդրումների վերադարձ, շուկաներ, արտահանման հնարավորություններ | 1–10 (1՝ ցածր, 10՝ բարձր) | 15% | |
| 10 | Կայունություն | Գնահատել հավանականությունը, որ նախագիծը ֆինանսավորման նախնական փուլի ավարտից հետո կշարունակի գործել, կմնա շահութաբեր և ֆինանսապես կենսունակ։ | 1–10 (1՝ ցածր, 10՝ բարձր) | 15% |
Նախագիծը կարող է ֆինանսավորվել միայն նախնական ընտրված դիմորդների «Շրջակա միջավայրի և կլիմայի գնահատում» իրականացնելուց հետո՝ համաձայն PROGRESS ծրագրի մեթոդաբանության։
Պահանջվող սարքավորումները և/կամ տեխնոլոգիական լուծումները պետք է համապատասխանեն ՀՀ կառավարության կողմից ընդունված կարգավորող շրջանակին (օրինակ՝ ՀՀ կառավարության 2020 թվականի օգոստոսի 20-ի N 1368-Ն որոշմանը, ինչպես նաև Մոնրեալի արձանագրության A, B, C և E հավելվածներին)։
Հայտադիմումի փաթեթ (հղում)
Հայտատուները պետք է ներկայացնեն հետևյալ փաստաթղթերը․
- Հայտադիմում (Հավելված 1)
- Մանրամասն բյուջե (Հավելված 2)
- Հայտարարություն (Հավելված 3)
- Դիմորդի պետական գրանցման վկայական
- Տեխնոլոգիական կառավարման համար պատասխանատու անձի ինքնակենսագրությունը (CV) (ոչ պարտադիր)
- Շահագործվող արտադրական հզորությունների առկայության ապացույցներ (սեփականության վկայական, վարձակալության պայմանագիր և այլն)
- Նկարներ, հավաստագրեր և այլ փաստաթղթեր
Առցանց տեղեկատվական հանդիպում
Դիմումների պատրաստումից և ներկայացումից առաջ բոլոր շահագրգիռ կողմերը հրավիրվում են մասնակցելու առցանց տեղեկատվական հանդիպմանը, որը նվիրված է մրգերի և հատապտուղների արժեշղթաների զարգացմանն ուղղված հավելյալ արժեք ստեղծող նախաձեռնություններին
Հանդիպման ընթացքում կներկայացվի տեղեկատվություն մասնակցության չափանիշների, դիմելու ընթացակարգի, համաֆինանսավորման պահանջների, ֆերմերների և ագրոբիզնեսների համար ակնկալվող օգուտների, ինչպես նաև նախաձեռնության այլ մանրամասների վերաբերյալ։
Ամսաթիվ` 16.03.2026թ․
Ժամ` 11:00
Ձևաչափ` առցանց (Zoom հարթակ)
Առցանց հանդիպմանը մասնակցելու համար խնդրում ենք անցնել հետևյալ հղումով՝
https://us06web.zoom.us/j/82976988330?pwd=7pI0oSs8psrQLxVbDFTBKERVlnGk0a.1
Meeting ID: 829 7698 8330
Passcode: 890418
Հայտադիմումի ներկայացման ձևը և վերջնաժամկետը
- Հայտերը պետք է ուղարկել հետևյալ էլ․ փոստի հասցեին՝ info@icare.am։
- Հայտերի ներկայացման վերջնաժամկետ՝ 20.03.2026 թ․, ժ. 14:00։
- Թղթային տարբերակով կամ վերջնաժամկետից հետո ստացված հայտերը չեն դիտարկվի։
Լրացուցիչ տեղեկությունների համար զանգահարել հետևյալ հեռախոսահամարով՝ +374 43 799 799: