Ագրոբիզնեսի հետազոտությունների և կրթության միջազգային կենտրոն (ICARE) հիմնադրամը Հայաստանում այգեպտղաբուծության ոլորտի զարգացման (ՖՐՈւՏԵՆԻԱ-2) նախագծի շրջանակում փնտրում է հաղորդակցության մասնագետի:

Հաստիքի անվանումը` ՖՐՈՒՏԵՆԻԱ-2 նախագծի հաղորդակցության մասնագետ

Պայմանագրի տեսակը` աշխատանքային պայմանագիր

Ամսական աշխատանքային օրերի քանակը` 15 օր (120 ժամ)

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ

• մշակել և իրականացնել հաղորդակցման համապարփակ ռազմավարություն և գործողությունների պլան, որը համահունչ է ICARE հիմնադրամի և Ավստրիական զարգացման գործակալության (ADA) առաքելությանն ու քաղաքականությանը,
• պլանավորել և իրականացնել արտաքին հաղորդակցության հետ կապված միջոցառումներ, ինչպիսիք են տեղեկատվական արշավները և իրազեկման ծրագրերը
• ապահովել նախագծի որակյալ թվային ներկայությունը, ներառյալ հիմնադրամի կայքը և սոցիալական մեդիա հարթակները
• լուսաբանել և տարբեր հարթակներում ներկայացնել իրականացվող ծրագրերն ու միջոցառումները
• մշակել և կիրառել նախագծի բրենդինգային նյութերի դիզայնի մշակման, ինչպես նաև տպագրության հստակ քաղաքականություն
• հետևողականորեն ապահովել հաղորդագրությունների փոխանցումը և տարածումը բոլոր համապատասխան կապուղիներով
• ստեղծել և պահպանել դրական հարաբերություններ հիմնական շահագրգիռ կողմերի, ներառյալ գործընկերների և շահառու համայնքի հետ
• վերլուծել սոցիալական մեդիայի տվյալները՝ գնահատելու հաղորդակցության ռազմավարությունների արդյունավետությունը
• համագործակցել նախագծի համակարգողների հետ՝ հաղորդակցման նյութերի համար տեղեկատվություն հավաքելու համար։

ՀԻՄՆԱԿԱՆ ՊԱՀԱՆՋՆԵՐ

• բարձրագույն կրթություն,
• առնվազն մեկ տարվա աշխատանքային փորձ՝ հանրային կապերի ոլորտում
• հայերեն և անգլերեն գրելու, խմբագրելու և բանավոր հաղորդակցման հմտություններ
• ռուսերեն լեզվի լավ իմացությունը կդիտվի որպես առավելություն
• թվային և սոցիալական մեդիա հարթակների և մեդիա մոնիտորինգի գործիքների իմացություն
• կամավորական գործունեությունը կդիտվի որպես առավելություն
• թիմային աշխատանքի և համագործակցության գերազանց ունակություն
• դինամիկ միջավայրում ինքնուրույն, ճկուն և համատեղ աշխատելու ունակություն

ICARE հիմնադրամի գործնեության մասին մանրամասն տեղեկատվություն կարող եք ստանալ այցելելով www.icare.am կայք։

Դիմելու վերջնաժամկետը՝ 19-ը մարտի, 2025 թ.:

ԴԻՄԵԼՈՒ ԸՆԹԱՑԱԿԱՐԳԸ․
Հետաքրքրված և պահանջներին համապատասխանող անձինք կարող են ուղարկել իրենց ինքնակենսագրականը (անգլերեն կամ հայերեն լեզվով)  sona.khojoyan@icare.am էլ-հասցեին` թեմայի դաշտում նշելով “Communications Specialist”։