«Ինտենսիվ պտղատու այգիների հիմնում և կառավարում» եռամսյա դասընթաց
ICARE հիմնադրամը` Ավստրիական զարգացման համագործակցության ֆինանսավորմամբ, ՖՐՈՒՏԵՆԻԱ-2 նախագծի շրջանակում, մեկնարկում է «Ինտենսիվ այգիների հիմնում և կառավարում» թեմայով եռամսյա դասընթացը՝ ֆերմերների և ուսանողների համար:
Մասնակցեք դասընթացին, եթե ցանկանում եք ձեռք բերել ինտենսիվ այգի հիմնելու վերաբերյալ տեսական և գործնական հմտություններ, կամ խորացնել Ձեր գիտելիքները այգեգործության ոլորտում՝ ներդնելով նորարարական մոտեցումներ, ապա այս ծրագիրը Ձեզ համար է:
Դասընթացը ներառում է հետևյալ թեմաները.
- ինտենսիվ այգու հիմնում,
- ոռոգման համակարգերի և պարարտացման լավագույն տեխնոլոգիաներ,
- վնասատուների և հիվանդությունների կառավարում,
- հետբերքահավաքային պահպանման տեխնոլոգիաներ,
- ինտենսիվ այգու ֆինանսական պլանավորում և կառավարում։
Դասընթացն ուղեկցվելու է գործնական աշխատանքներով՝ մասնակիցներին ընձեռելով տեսական դասընթացների միջոցով ձեռք բերած գիտելիքները գործնականում կիրառելու և հմտությունները բարելավելու հնարավորություն:
Դասընթացի սկիզբը նախատեսվում է 2025 թ․ փետրվարի 1-ին։
Դասընթացը նախատեսվում է անցկացնել միաժամանակ առկա և առցանց տարբերակներով։
Դասընթացի վճարը 3 ամիսների համար կազմում է 60.000 ՀՀ դրամ։։
Արցախից բռնի տեղահանված անձանց մասնակցությունը անվճար է։ Խոցելի խմբերի ներկայացուցիչների, սահմանափակ կարողություններով անձանց և փոքրամասնությունների մասնակցությունը նախագծում խրախուսվում է։
Դիմելու վերջնաժամկետը` 2025 թ․ հունվարի 15-ն է:
Դասընթացին դիմելու համար անհրաժեշտ է լրացնել հայտադիմումը և անցնել հարցազրույց: Հայտադիմումի հիման վրա ընտրված դիմորդները կհրավիրվեն հարցազրույցի։
Դասերը կանցկացվեն Հայաստանի ազգային ագրարային համալսարանում`Տերյան 74 հասցեում:
Հարցերի դեպքում խնդրում ենք կապ հաստատել էլ․ փոստի fruitenia.orchard@gmail.com հասցեով կամ գրել 37491 901478 Whatsapp-ին։